Richard Kirkham

rdf:langString Richard Kirkham

rdf:langString Richard Ladd KIRKHAM (18a de junio 1955) estas usona filozofo. Inter liaj publikigitaj verkoj estas la tre citita Theories of Truth (Teorioj de Vero, MIT Press, 1992), "Does the Gettier Problem Rest on a Mistake?" en Mind (Menso, 1984. Vol.93, No.372), kaj "On Paradoxes and a Surprise Exam" en Philosophia (1991). Kirkham gradiĝis el Kolegio Cornell en 1977 kaj ricevis sian Ph.D. el la Universitato de Notre Dame en 1983. Kirkham estas probable plej bone konata pro sia verkaro pri analizaj teorioj pri vero. En sia laŭdita libro, Theories of Truth, Kirkham priskribas la tre preterlasatan fakton ke la variaj teorioj pri vero proponitaj tra la jarcentoj estas reale ne ĉiuj konkurencaj unu de alia ĉar ili celas ofte respondi al distingaj demandoj pri vero. Por ekzemplo, kelkaj celis nur havigi la etende necesajn kaj sufiĉajn kondiĉojn por vero, dum aliaj celis havigi difinon de vero, kaj ankoraŭ aliaj celis nur klarigi la lingvajn kaj nelingvajn celojn de asertoj kiuj postulas ĉu veron ĉu malveron. Laŭ MIT Press, tiu libro estas lia plej bone vendita verko pri analiza filozofio kaj preskaŭ duono el ĉiuj anglalegantaj profesiaj filozofoj en la mondo posedas personan kopion de la libro. Ĝi estis uzata kiel teksto en gradigaj seminarioj sur ĉiu loĝata kontinento kaj tradukita en portugala. Li estis ankaŭ la aŭtoro de kvar artikoloj en la Routledge Encyclopedia of Philosophy (Londono: eldonejo Routledge, 1998).