Damaris Egurrola

rdf:langString Damaris Egurrola

rdf:langString Damaris Berta Egurrola Wienke (Orlando, Florida, 1999ko abuztuaren 26a) Gautegiz Arteagan bizi den eusko-estatubatuar futbolaria da, euskalduna, erdilari postuan jokatzen du. Hasiera batean, sei urtez, Espainiako Emakumezkoen Futbol Ligaren Lehen Mailan aritzen den Athletic taldean jokatzen zuen. Gaur egun, munduko talderik onenetakoan ari da, Olympique Lyongo jokalaria baita. 1999an jaio zen Orlando, Floridan eta 2005ean Euskal Herrira etorri zen bere guraso eta bi anai-arrebekin. Berton Gautegiz Arteagako Montorre herri ikastetxean ikasi zuen, 6.mailara arte; ondoren, Derrigorrezko Bigarren Hezkuntza egitera Barrutialde Institutura pasatu zen eta Batxillergoko ikasketak egiteko Gernikako Institutura joan zen. Euskal Herriko Unibertsitean ere aritu da fisioterapia ikasten. Txikitatik kirola gustatu izan zaio. Futbolean ez ezik, esku huskako pilotan eta palan ere ibili izan da, eta surfean aritzea ere gustatzen zaio. Gainera, lagunekin arraun surfean aritzen da sarritan. 2017an UEFAren 19 Urtez Azpiko Emakumeentzako Europako Txapelketa jokatu zuen Espainiako Futbol Selekzio Nazionalarekin eta finala irabazi zuen.2018an Emakumezkoen Munduko Txapelketan bigarren geratu zen Espainiako Selekzioarekin. 2020ko udan, Ingalaterrarako bidea hartu du, Athletic-en sei urteko ibilbidea amaituta. Everton taldearen kamisetarekin jokatuko du. Hala eta guztiz ere, oso urte zaila bizi izan du, hasiera batean ez baitzuen aukerarik izan nahi zuen taldera joateko. Konpentsazio zerrendak izeneko aferak asko korapilatu zuen haren egoera. Ulertu zuen erabakiak guztien gustukoa ez izatea, baina errespetua eskatu zuen. Urte erdi eskas egin du Evertonen. Olympique Lyonek haren etete klausula ordainduko du (100.000), eta aurki joango da Frantziara. Europako talderik onenean ariko da, Lyonek zazpi aldiz irabazi baitu Txapeldunen Liga, azken bostak jarraian. Bertan, haren lekua egin nahi du, eta izarrez betetako taldea izan arren, tokia egin nahi du hamaikakoan. Lyonen, 2024ra arteko kontratua dauka. Aurretik Espainiarekin lagunarteko partida batean aritu bazen ere, 2021ekko azaroan, jakinarazi du uko egin diola Espainiako selekzioarekin jokatzeari. Amerikako Estatu Batuetako zein Herbehereetako selekzioekin jokatzeko aukera du.