Worm-eating warbler

rdf:langString Vermivora parulio

rdf:langString La Vermivora parulio aŭ vermovora parulio (Helmitheros vermivorus) estas malgranda paserina birdo de la familio de Paruliedoj de Ameriko kaj malgranda genro de Helmitheros, kie ĝi estas la ununura specio. Ĝi estas 13 cm longa kaj pezas 13 g. Ĝi estas relative senmarka kun olivecbrunaj supraj partoj kaj helaj subaj partoj, sed kiel distingilo havas nigrajn al malhelbrunajn striojn kape nome traokulaj strioj kaj kronaj strioj kiuj lasas kronomeze olivecan vertican strion kaj superokulajn pli larĝajn flavecajn striojn. Ĝi havas sveltan pintakran bekon kun grizeca supra makzelo kaj rozeca suba makzelo kaj rozkolorecajn krurojn. Ĉe nematuruloj la kapaj strioj estas brunecaj. Tiu birdo reproduktiĝas en densaj deciduaj arbaroj de orienta Usono, kutime ĉe arbaraj deklivoj. La nesto estas malferma kaj tasforma situa surgrunde, kaŝita inter mortintaj folioj. La ino demetas 4 aŭ 5 ovojn. Ambaŭ gepatroj manĝigas la idojn; ili povas malproksimigi predantojn el la nesto per la tekniko ŝajnigi esti vunditaj. Vintre tiuj birdoj migras al suda Meksiko kaj Centrameriko. Vermivoraj parulioj manĝas insektojn, kutime per serĉado inter mortintaj folioj aŭ sub arboŝelo en arboj aŭ arbustoj, ankaŭ per bekoprobado tra mortintaj folioj sur la arbara grundo. Spite la nomo, ili rare manĝas tervermojn, sed ja manĝas raŭpojn. Relative malkutime inter paruliedoj, tiuj estas ofte tre malrapidemaj dum traserĉas en la subkreskaĵaro kaj arbargrundo insektojn. La ino estas ege ligita al sia nesto, kaj ofte restas senmova ĝis kiam predanto (aŭ eĉ scivolema birdumanto) ege alproksimiĝas. Tiam la patrino eliras ŝajnigante esti vundita por malproksimgi la entrudulon for de la nesto. Ties trilado estas simila al tiu de la Spizella passerina. La kanto de la masklo estas mallonga altatona trilado. La alvoko de tiu birdo estas ĉip aŭ ciit. Vermivoraj parulioj malaperis el kelkaj partoj de sia teritorio pro habitatoperdo. Ili estas vundebla pro nestoparazitado fare de la Brunkapa molotro kie arbaroj estas fragmentataj.