Saint-Preux

rdf:langString Saint-Preux

rdf:langString Saint-Preux (naskiĝis ĉirkaŭ la jaro 1950 en Parizo) estas franca komponisto, pianisto kaj orkestra dirigento. Liaj plej konataj komponaĵoj nomiĝas Concerto pour une voix ["Koncerto por unu voĉo"], Le Piano sous la mer ["La piano sub la maro"] kaj Symphonie pour la Pologne ["Simfonio por Pollando"]. En aĝo de ses jaroj, li komponis sian unuan verkaĵon por orgeno, kaj de tiam pli ol 300 verkoj konsistigas lian verkaron. Internacie li ekkonatiĝis en aĝo de 19 jaroj, en 1969 per sia partopreno de la Festivalo de Sopot en Pollando, kie li estis orkestra dirigento en interpreto de sia komponaĵo La Valse de l'enfance ["La valso de la infaneco"]. Li ricevis la premion de la internacia gazetaro en tiu festivalo. Dum la sekvaj jaroj, aparte du komponaĵoj havis publikan sukceson, Concerto pour une voix, kies unuan aŭdigon interpretis la dirigento Danielle Licari, kaj Le Piano sous la mer. La artisto estis dirigento de multnombraj orkestroj, inter ili la Simfonia Orkestro de Londono, la la Simfonia Orkestro de Pollando kaj la Ĥoraro de Krakovo, la Filharmonia Orkestro de Parizo kaj la la Simfonia Orkestro de Montrealo. En 2005, reference al sia antaŭa sukcesa verkaĵo li komponis la muzikaĵon Concerto pour deux voix ["Koncerto por du voĉoj"], kiun kante interpretis lia filino Clémence Saint-Preux, tiam 16-jara, kaj la ĥora soloisto Jean-Baptiste Maunier. tiam 14-jara.