Rufous-bellied euphonia

rdf:langString Ruĝecventra eŭfonjo

rdf:langString La Ruĝecventra eŭfonjo (Euphonia rufiventris) estas specio de birdo de la genro de Eŭfonjoj, kiuj nun estas konsiderata membro de la familio de Fringedoj, sed antaŭe de la Traŭpedoj. Tiu genro enhavas birdojn kiuj estas tipe metalece malhelbluaj supre kaj brilflavaj sube. Kelkaj havas helbluajn makulojn kape aŭ oranĝecajn subajn partojn. Ĝi troviĝas en Sudameriko en norda kaj centra Bolivio, okcidenta Brazilo, sudorienta Kolombio, orienta Ekvadoro, orienta Peruo kaj suda Venezuelo kaj pli precize en la tuta Amazona Baseno escepte norde de la rivero Amazono oriente de la rivero Negro. Ties natura habitato estas subtropikaj aŭ tropikaj humidaj arbaroj de malaltaj teroj en kanopeo kaj arbarbordoj ĉefe ĉe epifitoj. La masklo estas tre brile malhelblua en supraj partoj, kapo, gorĝo kaj supra brusto kaj ne havas flavan fruntomakulon, malkiel plej parto de eŭfonjoj. La suba brusto kaj ventro estas oranĝecaj.