Roberts's warbler

rdf:langString Oreofilao

rdf:langString La Oreofilao (Oreophilais robertsi) estas malgranda paserina birdo de la familio de Cistikoledoj. Ĝi estas la ununura membro de la genro Oreophilais kaj estis iam lokita en la genro Prinia, sed oni trovis ĝin sufiĉe distinga por meriti propran genron. Tiu cistikoledo estas loĝanta reproduktulo en Mozambiko kaj ĉefe en orientaj altaj teroj de Zimbabvo. Ties natura biotopo estas subtropikaj aŭ tropikaj humidaj montararbaroj kaj arbustaroj, ĉefe ĉe riveroj, rojoj aŭ klaraĵoj aŭ en densa filikejo (Pteridium) aŭ herbejo (Smilax) laŭlonge de la arbarbordo. Ili manĝas ĉefe malgrandajn senvertebrulojn, solaj aŭ en paroj aŭ en bruemaj grupoj, ofte kun aliaj specioj predantaj el subkreskaĵaro. Ili manĝas muŝojn, skarabojn kaj arakidojn. La nesto estas ovalforma kun flanka enirejo, farita el fajna herbo kaj musko sekurita per araneretoj. Ĝi estas tipe lokata ĉirkaŭ 1 m supergrunde en herbo aŭ arbusto. Nestosezono estas el septembro al februaro kaj ĉefe dum oktobro. La ino demetas 2-3 brilturkizajn ovojn, kun brunaj kaj lilaj punktoj.