Prairie warbler

rdf:langString Preria parulio

rdf:langString La Preria parulio, Dendroica discolor, estas malgranda paserina birdo de la familio de Paruliedoj de Ameriko kaj granda genro de Dendroica. Tiuj birdoj havas tre flavajn subajn partojn (ĉefe gorĝareo) kun malhela al nigreca strieco en flankoj, kaj olivecajn suprajn partojn kun ruĝecaj strieco kaj nuanco en dorso; ili havas flavan superokulan strion, malhelan traokulan strion kaj flavan makulon subokulan borditan sube de nigreca ĉirkaŭmakula strio kiu komencas la flankan striecon. Tiu birdo havas nigrajn krurojn, longan voston, helan flugilstrion kaj fajnan pintakran bekon. La koloro estas malpli markata ĉe inoj kaj nematuruloj. Ties reproduktaj biotopoj estas arbustecaj areoj kaj arbarbordoj en orienta Nordameriko. La nestoj de la Preriaj parulioj estas mafermaj kaj tasformaj, kutime situaj en malalta loko de arbo aŭ arbusto. Tiuj nearktisaj birdoj estas loĝantaj birdoj en sudaj partoj de sia teritorio. Aliaj pli nordaj birdoj migras al nordorienta Meksiko kaj insuloj de Karibio. Preriaj parulioj manĝas aktive sur arbobranĉoj, kaj foje ĉirkaŭflugetas por kapti insektojn, kiuj estas la ĉefa manĝoresurso de tiuj birdoj. Preriaj parulioj havas du kategoriojn de kanto, menciataj kiel tipo A kaj tipo B. La kantoj de tipo A estas tipe serio de ascendaj zumantaj notoj. La kantoj de tipo B estas ascenda serio de fajfaj notoj kiuj ofte enhavas kelkajn zumantajn notojn. Kompare kun la kantoj A, la kantoj B estas pli malaltatonaj kaj havas pli malmultajm kaj pli longajn notojn. Ankaŭ la totala kantolongo estas pli longa ĉe la kantoj B. La uzado de tiuj du kantokategorioj asociiĝas al iaj kuntekstoj. La kantojn A oni kantas la tutan tagon kiam maskloj alvenas unuaj al la reproduktaj teritorioj. Kiam maskloj jam pariĝis ekkantas kantojn B mateniĝe kaj intermezas kantojn A en siaj kantoj dum la resto de la tago. Dum tiu lasta periodo la kantoj A estas tipe uzataj ĉe ioj, ĉeneste, kaj en la centro de ties teritorioj. Kontraste la kantoj B estas uzataj dum interagado aŭ luktado kontraŭ aliaj maskloj kaj ĉe bordoj de la teritorioj. Parto de la alvoka repertorio estas alvoko cip. Dum mateniĝo la kantoj B estas interrompitaj per rapidaj kaj laŭtaj alvokoj "ĉek". Tiuj birdoj skuas siajn vostojn ofte kiel la parencaj Kirtlanda parulio kaj Palmoparulio. La nombroj de tiuj birdoj malpliiĝas pro habitatoperdo; ankaŭ tiu specio suferas pro nestoparazitado fare de la Brunkapa molotro.