Philippine Red Cross

rdf:langString Filipina Ruĝa Kruco

rdf:langString La Filipina Ruĝa Kruco - tagaloge Krus na Pula ng Pilipinas, angle Philippine Red Cross - estas societo de humanitara helpo en la Filipinoj, kies celo estas provizi nacian krizan, katastrofan, ambulancan kaj sango-bankan servon. La societo membras en la Internacia Federacio de Societoj de Ruĝa Kruco kaj Ruĝa Krescento, internacie kunlaboras tie kun aliaj internaciaj societoj de humanitara helpo kaj precipe kun la aliaj naciaj asocioj de la federacio. Ĝia sidejo estas en Mandaluyong, Manila Metropolo. Kreita en 1905 kaj rekonita en 1917 kiel filio de la Usona Ruĝa Kruco, kiel sendependa nacia societo la Filipina Ruĝa Kruco estis establita en 1947, kun radikoj en la Filipina Revolucio kontraŭ la Hispana Imperio. Ĝi komence okupiĝis nur pri provizado de sango kaj mallongperspektivaj paliativoj same kiel partopreno en agadoj rilataj al katastrofoj, sed la membroj intertempe fokusas pri pli vasta aro de humanitaraj servoj. Nuntempe, la Filipina Ruĝa Kruco provizas ses gravajn servojn: naciaj sangobankaj servoj, katastrofohelpaj servoj, sekurecaj servoj, sanhelpaj servoj, bonfaraj servoj kaj ruĝkruca junularo. Ĉiuj enkorpigas la fundamentajn principojn de la Internacia movado de Ruĝa Kruco kaj Ruĝa Krescenta Movado - homaro, senpartieco, neŭtraleco, sendependeco, libervola servo, unueco kaj universaleco. Ĉi tiuj valoroj gvidas kaj inspiras ĉiujn personojn kaj volontulojn de la Ruĝa Kruco.