Pale-winged starling

rdf:langString Palflugila sturno

rdf:langString La Palflugila sturno (Onychognathus nabouroup) estas birdo de la familio de Sturnedoj kaj genro Onychognathus de afrikaj sturnoj karakterizitaj pro ruĝecaj (al brunecaj) unuarangaj flugilplumoj, tre rimarkindaj dumfluge. Maskloj estas tipe ĉefe brilnigraj, dum inoj estas malhelgrizaj, kio estas kazoj de seksa duformismo. Tiu ĉi estas birdo indiĝena de Angolo, Bocvano, Namibio kaj Sudafriko. Tiu membro de la sturnoj estas specio kies masklo havas brilan irizecan nigran plumaron kun brunecaj makuloj en la eksteraj flugilplumoj, kiuj estas rimarkindaj ĉefe dumfluge kaj ne tiom ruĝecaj kiom ĉe aliaj membroj de la genro (el la Ruĝecflugila sturno al la Sokotra sturno). Ankaŭ la proksima (sed malproksima geografie) parenco nome la Tristrama sturno havas brunecajn flugilplumojn anstataŭ ruĝecajn: distingilo estas ke la Tristrama sturno okupas la plej nordan pinton de la teritorio de la genro (en Mezoriento) dum la Palflugila sturno okupas la plej sudan pinton; krome la Palflugila sturno havas helajn oranĝecajn irisojn dum la Tristrama sturno havas malhelajn irisojn. La beko kaj kruroj estas nigrecaj, malpli nigraj ol tiuj de aliaj samgenranoj. Inoj kaj junuloj estas similaj sed pli senkoloraj, kun grizeca kapo kaj sen brila plumaro.