Melgar de Tera

rdf:langString Melgar de Tera

rdf:langString Melgar de Tera [melGAR deTEra] estas municipo de la provinco Zamoro, en la regiono Kastilio-Leono, Hispanio. Ĝi apartenas al komarko Benavente y Los Valles, en la nordo de la provinco, sude de la Provinco Leono. Melgar de Tera estas etimologie tradukebla al Luzernejo de la rivero Tera, nome aludo al luzernoj kiuj abundas, estas ekonomie gravaj por la loka ekonomio kaj videblas en la blazono ĉirkaŭ kruĉo. Ĝia municipa teritorio estas formata de la loĝlokoj Melgar de Tera kaj Pumarejo de Tera, okupas totalan areon de 40,91 km² kaj laŭ la demografia informo de la municipa censo fare de la INE en 2021, ĝi havis 360 loĝantojn. Ĝi perdis ĉirkaŭ 600 loĝantojn el la mezo de la 20-a jarcento pro la migrado el ruraj zonoj al urboj. Ĝi distas 74 km de Zamoro, provinca ĉefurbo. En la epoko de la Romia Imperio oni produktis tie fajnajn ceramikajn ujojn por la romaij soldatoj; en Mezepoko okazis reloĝado kaj la areo apartenis al la Graflando de Benavente. Tradicia ekonomio estis bazata sur agrikulturo kaj brutobredado. Lastatempe kultura kaj rura turismo plie ekgravis. El 15-a ĝis 19-a de Junio 2022 okazis terura incendio en la tuta montaro Sierra de la Culebra ĝis la valo de la rivero Tera, eksplodinta pro kuniĝo de nekutima varma tajdo (antaŭsomera) kun sekaj ŝtormoj kiu fakte okazigis aliajn 50 incendiojn en la tuta regiono. La incendio detruis pli ol 25 000 hektarojn, oni interrompis la trafikon per ŝoseo kaj trajno kaj loĝantoj de du dek loĝlokoj estis provizore translokigitaj al sekuraj rifuĝejoj. La municipoj damaĝitaj de tiu incendio estis Villardeciervos, Flechas, Cional, Codesal, Villanueva de Valrojo, Ferreras de Arriba, Ferreras de Abajo, Otero de Bodas, Olleros de Tera, Val de Santamaría de Otero de Bodas, Calzadilla de Tera, Villar de Farfón, Junquera de Tera, Milla de Tera, Pumarejo de Tera, Melgar de Tera kaj Vega de Tera. Finaj kalkuloj de detruo ĉirkaŭas 30 000 hektarojn, kio faras tiun incendion la plej detrua en la regiono Kastilio-Leono kaj eble en la tuta Hispanio, ekde oni havas registrojn.