Jimmy MacCarthy

rdf:langString Jimmy MacCarthy

rdf:langString Jimmy MacCarthy (Macroom, Cork konderria, 1953) irlandar kantautore bat da. Cork konderriko Macroom udalerrian jaio zen, gurasoak Ted MacCarthy (1998an hila) eta Betty MacCarthy (2009an) hila. 11 anai-arreba ditu. Familiak Munster osoan aldizkariak eta egunkariak banatzen zituen negozio baten jabe zen, baina osasun txarra eta zorte txarraren ondorioz negozioa galdu zuten. Halere, Ted eta Bettyk bere seme-alabak ahal bezain egokien hazi zituzten. 15 urterekin MacCarthyk eskola utzi zuen, bertan ez baitzen zoriontsu, eta zaldi lasterketako entrenatzailearen zalditegiko morroi lanetan aritu zen, Tipperary konderriko zaldi lasterketa zirkuituan. Baina bost urtez Tipperary eta Ingalaterrako udalerriaren artean bizitu ondoren, Jimmy jaioterrira itzuli eta bihotzetik gaizki zebilen aitari lagundu zion. Orduan tabernetan abesten hasi zen, bai eta Londresko kaleetan eta Irlandan ere, beste irlandar musikarien kontzertuetan gonbidatu bezala. 1995ean Wicklow udalerrian etxea erosi zuen baina sute batek kiskali eta 2006. urteaz geroztik Kilkenny udalerrian bizi da. Nagusiki kantautore izateagatik ospea du, 1970eko hamarkadaren amaieratik Christy Moore, Mary Black, eta musikarientzako eta the Corrs eta Westlife bezalako taldeentzako abestiak konposatu izan ditu. De Dannan folk taldearen biratan ere parte hartu izan du, bai eta Dónal Lunny musikariarekin jo ere.