Harris's sparrow

rdf:langString Nigravizaĝa emberizo

rdf:langString La Nigravizaĝa emberizo, Nigravizaĝa zonotriĥo aŭ Nigravizaĝa plumzonulo, Zonotrichia querula, estas mezgranda birdospecio membro de la grupo de indiĝena de Nordameriko kaj membro de la genro de zonotriĥoj, kiu enhavas speciojn de brunstriecaj dorsoj kaj distingaj kapobildoj. Ties reprodukta habitato estas la norda parto de centra Kanado (ĉefe la Nordokcidentaj Teritorioj kaj Nunavuto, kun teritorioj iome al norda Manitobo kaj Saskaĉevano). Fakte tiu birdospecio estas la ununura kanada endemia reproduktanto. Vintre ili migras al la usonaj subŝtatoj de la Nordamerikaj Grandaj Ebenaĵoj, el malsupra Suda Dakoto al supra Teksaso. La plej rimarkinda karaktero de tiu specio diference de la samgenranoj estas nigra kapozono kiu nomigas ĝin laŭ la komuna nomo kiu konsistas el nigraj krono, ampleksa bridareo, gorĝareo kaj disiĝe al supra brusto kiel horizontala strio plu brustocentra makulo. La resto de la kapo estas helgriza (al sablokolora) kun iomete pli malhelgriza orelareo kun pli markata malantaŭa bordo preskaŭ nigreca. La fortika beko kaj la kruroj estas rozkoloraj. La supra dorso montras nigrecan vertikalan striecon super helbruna al helgriza fono kiu pluas al suba dorso kaj pugo senstriaj; la vosto estas iomete pli malhela. La subaj partoj estas helgrizaj kun nigreca strieco en brustaj flankoj. La okulirisoj estas brunaj. La komuna nomo de tiu specio en la angla nome Harris's Sparrow rememoras la usonan amatoran ornitologon nome Edward Harris (1799–1863).