Gerrit Krol

rdf:langString Gerrit Krol

rdf:langString Gerrit KROL (n. la 1-an de aŭgusto 1934 − m. la 24-an de novembro 2013) estis nederlanda matematikisto, sistemdezajnisto, poeto, eseisto kaj verkisto. Krol naskiĝis en Groningen, Nederlando. Li studis matematikon kaj laboris unue ĉe Royal Dutch Shell kiel komputila programisto kaj sistemdezajnisto. La literatura debuto de Krol konsistis el poemoj eldonitaj en 1961 en diversaj nederlandaj literaturaj revuoj. En 1962 estis eldonita lia unua libro De rokken van Joy Scheepmaker. Poste, li evoluigis tipan skribostilon konsistanta de teksto miksita kun abstraktaj pensoj esprimita en desegnaĵoj kaj matematikaj ekvacioj. Lia romano Het gemillimeterde hoofd estas tipa por ĉi tiu stilo. En la eseo De schrijver, zijn schaamte en zijn spiegels (La verkisto, lia honto kaj liaj speguloj), li parolas pri la elvoko de sentoj per vortoj ne sperteblaj alimaniere ol ĝuste per la samaj vortoj en la gepatra lingvo. En 1986 Krol ricevis la premion Constantijn Huygens kaj en 2001 la premion P. C. Hooft - la plej alta nederlanda registara premio pri literaturo - pro lia kompleta verkaro. Krol ricevis doktorecon Honoris causa (honoriga gradigo) de la Libera Universitato de Amsterdamo (Vrije Universiteit van Amsterdam) "pro liaj specialaj meritoj por la nederlanda kulturo per formo de aŭtoreco, kiu kombinas bonegan literaturan kvaliton kun teoria pripensado kaj komprenoj el la sciencoj, precipe la ekzaktaj sciencoj kaj filozofio".