Elegant tit

rdf:langString Eleganta paruo

rdf:langString La Eleganta paruo (Periparus elegans iam Parus elegans kaj nun foje Pardaliparus elegans) estas specio de birdo de la familio de Paruedoj. Tiu specio estis iam inkludita en la multe pli granda genro Parus, kaj kelkaj fakuloj sugestis, ke kun la tre proksima Palavana paruo kaj kun la Flavventra paruo estu lokita en nova genro, Pardaliparus. La specio havas naŭ agnoskitajn subspeciojn, unu el kiuj, la raso P. e. panayensis el , estas eble separata specio. Ĝi estas endemia de Filipinoj, kun teritorio tra plej parto de ties insuloj. La Eleganta paruo similas al la Palavana paruo, ĉar havas nigrajn kapon, gorĝon, kolon kaj supran bruston kaj flavajn subajn partojn. La flugiloj estas nigraj kun blankaj punktoj kiel la dorso de la masklo, dum tiu de la ino estas olivgriza. Tiu specio varias el la Palavana paruo je tio ke ĝi havas flavajn vangojn, kiuj kuniĝas ambaŭflanke kun la flava brusto, anstataŭ blankajn (malkutime en la genro kaj en la familio) kaj flavan strion en la malantaŭa kapo, kie aliaj membroj de la genro havas blankan strion. Ties natura habitato estas subtropikaj aŭ tropikaj humidaj arbaroj de malaltaj teroj kaj subtropikaj aŭ tropikaj humidaj arbaroj de montetaro.