Common yellowthroat

rdf:langString Komuna flavgorĝulo

rdf:langString La flavgorĝulo aŭ ordinara flavgorĝulo (Geothlypis trichas) estas specio de la familio de Paruliedoj kaj genro de Flavgorĝuloj aŭ Geothlypis kiu enhavas tre similajn speciojn. Ili estas abundaj reproduktantoj en Nordameriko, kun teritorioj el suda Kanado al centra Meksiko. Nordaj rasoj estas migrantaj, kaj vintras en la sudaj partoj de la reprodukta teritorio, Centrameriko kaj Karibio. Sudaj formoj estas de loĝantaj birdoj. Tiu specio estas tre rara vaganto en okcidentan Eŭropon. Flavgorĝuloj estas malgrandaj kantobirdoj kiuj havas olivecajn dorsojn, flugilojn kaj vostojn, tre flavajn gorĝojn (kiuj nomigas kaj la specion kaj la genron) kaj brustojn kaj blankecajn ventrojn. Masklaj plenkreskuloj havas nigrajn maskovizaĝojn kiuj etendas el la kolflankoj al la okuloj kaj frunto, kiuj estas bordataj supre de blanko aŭ grizo. Ankaŭ la beko estas nigra. Inoj estas similaj laŭ aspekto, sed havas pli palajn subajn partojn kaj ne havas la nigran maskon. Nematuruloj estas similaj laŭ aspekto al ino. Masklaj unuajaruloj havas svagan nigran maskon kiu malheliĝas komplete printempe. La kruroj estas rozkoloraj. Estas 13 rasoj de tiu birdo. Tiuj rasoj diferencas ĉefe ĉe la masklaj vizaĝobildoj kaj la brileco de la flavaj subaj partoj. La sudokcidentaj formoj de tiu birdo estas la plej brilaj kaj plej flavaj sube. La reproduktaj biotopoj de tiuj birdoj estas marĉoj kaj aliaj humidaj areoj kun densa malalta vegetaĵaro, kaj povas troviĝi ankaŭ en aliaj areoj kun densa arbustaro. Tamen, tiuj birdoj estas malpli oftaj en sekaj areoj. Inoj ŝajne preferas masklojn kun pli grandaj maskoj. Flavgorĝuloj nestumas en malaltaj areoj de vegetaĵaro; la ino demetas 3-5 ovoj en tasforma nesto. Ambaŭ gepatroj manĝigas la idojn. Tiuj birdoj manĝas insektojn, kiuj ests kutime kaptataj inter densa vegetaĵaro, sed foje dumfluge. La kanto de la Flavgorĝulo estas laŭta ŭiĉeti ŭiĉeti ŭiĉeti ŭiĉ. La alvoko estas milda jip. Spite malpliiĝon laŭnombre en kelkaj areoj, pro perdo de preferata vivejo, tiu nearktisa specio estas ankoraŭ tre ofta.