Collared bush robin

rdf:langString Kolumtarsigero

rdf:langString La Kolumtarsigero (Tarsiger johnstoniae) estas specio de birdo de la familio de Muŝkaptuledoj kaj genro de Tarsigeroj. Tiu genro karakteras iel laŭ aspekto pro flaveca koloro en subaj partoj, sed kombine kun blua aŭ griza en supraj partoj; ĉe tiu specio la subaj partoj estas brunflavecaj (pli helaj ventre), dum la supraj partoj estas tre grizaj kaj ĉe kapo elstaregas du markoj nome blanka superokula strio el la beko al la orelo, simila al tiu de la Blankabrova tarsigero, sed ne tiom kontrasta aŭ markata, kaj tre brilruĝa kolumo en supra brusto kiel limo inter la malhelgriza kapo kaj la flaveca suba brusto, kolumo kiu sekvas kiel strio en la ŝultro al la dorso, de kio venas la nomo de Kolumtarsigero. La specio, kiel ĉe multaj parencaj genroj, estas ekzemplo de seksa duformismo, ĉar la ino estas iom pli senkolora, dum la masklo montras en reprodukta plumaro tre brilan malhelruĝan kolumon. Ĝi troviĝas en Ĉinio kaj Tajvano.