Canada warbler

rdf:langString Kanada parulio

rdf:langString La Kanada parulio (Wilsonia canadensis) estas birdospecio de la familio de Paruliedoj kaj de la genro Wilsonia kiu enhavas tri speciojn de birdoj kun flavaj subaj partoj kaj nigraj kapomarkoj. Ĝi estas malgranda 13 cm longa kantobirdo de Nordameriko. Tiu birdo havas flavajn subajn partojn, blugrizajn suprajn partojn kaj rozkolorajn krurojn; ĝi havas ankaŭ flavan okulringon kaj fajnan pintecan bekon kun harplumoj ĉirkaŭ la bekobazo. Masklaj plenkreskuloj havas nigrajn frunton inter flavaj bridostrioj el la bekobazo al supraokule kaj kolĉenon de vertikalaj strietoj. Inoj kaj nematuruloj estas pli grizaj supre ol blugrizaj kaj havas svagajn grizajn kolĉenojn kaj flavajn bridostriojn. Temas pri kazo de seksa duformismo. La kolĉeno ĉiam enfermas tre flavan gorĝareon. Ĝi reproduktiĝas en ĝenerale densaj duarangaj arbaroj, marĉoj de ruĝa acero aŭ altaltitudaj alpaj arbaroj. Tiuj arbaroj povas situi ĉe Kanado (kio nomigas la specion), oriente de la Roka Montaro, kaj pli malofte en orienta Usono. La nestoj estas kiel malfermaj tasoj situaj surgrunde en humida tre arbara loko, ĝenerale karaktera pro amaseto de sphagnum, arbostumpoj aŭ aliaj arbarrubaĵoj. Tiuj birdoj migras al norda Sudameriko, kaj estas tre raraj vagantoj en okcidentan Eŭropon. Ili manĝas aktive inter vegetaĵaro aŭ surgrunde, kaj ili ofte kaptas insektojn dumfluge. Tiuj birdoj manĝas ĉefe insektojn. Ili manĝas en aroj en la vintrejoj. La kanto de tiu birdo estas laŭta kaj tre varia, simila al ĉip ĉiŭi sŭiit diĉeti. Ties alvoko estas malaltatona ĉup. La nombroj de la Kanada parulio malpliiĝis pro perdo de taŭga habitato kaj estis ĵus ekkonsiderata kiel "Minacata" fare de la Komitato pri Statuso de Endanĝerita Naturo en Kanado. Kanadaj parulio estis vidataj dufoje en Eŭropo. La unua vidaĵo okazis en Islando kaj la dua estis de unuavintra ino kiu troviĝis en Kilbaha, County Clare, Irlando en oktobro 2006.