Buff-bellied warbler

rdf:langString Filolao (birdo)

rdf:langString La Filolao (Phyllolais pulchella) estas specio de birdo de la familio de Cistikoledoj, kiu apartenas al la genro Phyllolais; ĝi estas plej ofte la ununura specio inkludata en tiu genro. Tiu estas malgranda, senmarka birdo de savano kaj akaciarbaro. Ĝi ĉefe preferas Acacia xanthophloea kaj Acacia abyssinica kie manĝas paroj aŭ malgrandaj grupoj. Ĝi estas malfacile videbla, sed povas ariĝi al miksitaj kunmanĝantaroj. Ĝi estas griza supre (pli malhela en flugiloj kaj vosto) ĝis la okulo en kapo, sed el la rozkoloreca beko estas flaveca vizaĝo kaj subvizaĝo; la gorĝo estas blankeca kaj la ventro flaveca. La kruroj estas rozkolorecaj. Tiu afrotropisa specio troviĝas en centrorienta Afriko el norda Tanzanio kaj nordorienta Demokratia Respubliko Kongo al Niĝerio kaj Kameruno okcidenten kaj al Centrafrika Respubliko, Ĉado, Eritreo, Etiopio, Kenjo, Ruando, Sudano, kaj Ugando orienten. Ties natura biotopo estas subtropikaj aŭ tropikaj sekaj arbaroj, savano kaj arbustaro.