Bridled quail-dove

rdf:langString Brida koturnokolombo

rdf:langString La Brida koturnokolombo aŭ Liphara koturnokolombo, Geotrygon mystacea, estas specio de kolombo de la familio de Kolombedoj, Columbidae, kiu enhavas kaj kolombojn kaj turtojn. Ĝi troveblas en Sankta Lucio, norden ĝis Virgulininsuloj kaj Puertoriko. Ties naturaj habitatoj estas tropikaj kaj subtropikaj sekaj arbaroj kaj tropikaj kaj subtropikaj humidaj arbaroj de malaltaj teroj. Tiu birdo estas grundoloĝanta koturnokolombo kiu kutime manĝas inter la foliaro de arbaroj. Ĝi estas timida kaj sekretema. Antaŭ kelkaj jaroj, tiu populacio estis ofta. Nuntempe, la populacioj de Brida koturnokolombo ŝajne estas endanĝerataj. En la lastaj jaroj, estis variaj influoj kiuj rezultis en ties malpliigo kiel habitatoperdo, ĉasado, naturaj katastrofoj kaj predado. Fakte, oni diras, ke tiu specio estas “la specio kiu postulas plej altan teritorian prioritaton de konservopolitiko." Temas pri grizecbruna kolombo, pli malhelbruna en kapo, mezmalhelbruna en flugiloj kaj pli helgrizbruna en subaj partoj. La beko kaj piedoj estas ruĝecaj. Estas irizaĵoj helverdaj en kolflankoj kaj purpuraj en dorsoflankoj. La irisoj estas tre ruĝaj kaj la plej rimarkinda trajto, kio nomas la specion, estas tre blanka strio subokula el la bekobazo ĝis suborele.