Blue-breasted blue flycatcher

rdf:langString Blubrusta blua muŝkaptulo

rdf:langString La Blubrusta blua muŝkaptulo (Cyornis herioti) estas birdo de la familio de Muŝkaptuledoj kaj de la genro Cyornis aŭ de Bluaj muŝkaptuloj kiu laŭnome enhavas speciojn de tre bluaj maskloj ĉefe en la supraj partoj kun brunaj inoj. Ĝi estas endemia de Filipinoj kaj pli orienta ol la plej proksima parenco la Hajnana blua muŝkaptulo kun pli ampleksa teritorio ĉe Hajnano kaj Hindoĉinio. La natura habitato de tiu specio estas subtropikaj aŭ tropikaj humidaj arbaroj de malaltaj teroj. La masklo de tiu specio estas blua supre kun helbrila nuanco en frunto kaj ŝultroj, dum la vosto estas blua borde kaj malhelbruna interne; ankaŭ la flugiloj estas malhelbrunecaj. La vizaĝo ĉirkaŭ la okulo ĝis la beko kaj la flugilbordoj estas nigrecaj. La brusto estas blua, anstataŭ oranĝeca kiel ĉe aliaj specioj samgenraj, kaj same kiel ĉe la plej proksima parenco la Hajnana blua muŝkaptulo. La ventro estas grizeca. La beko estas nigra, iom hokoforma en la supra makzelo, larĝa ĉebaze kaj kun kekaj harplumetoj ĉirkaŭ la bekobazo.