Asian crimson-winged finch

rdf:langString Rozflugila fringo

rdf:langString La Rozflugila fringo (Rhodopechys sanguinea), estas birdospecio de la familio de Fringedoj kaj genro de Rodopeĥoj, kiu enhavas tri speciojn, kiuj estas grizbrunecaj birdoj kun rozkoloraj areoj en flugiloj kaj plej subaj partoj. Tiu estas birdo kun fortika, flaveca beko. La nomiga subspecio troviĝas el Turkio al NOr Pakistano. Alia subspecio, alienus, troviĝas en Atlasa Montaro de Maroko, kaj povus reprezenti separatan specion. Ĝi havas averaĝan longon de 13 cm kaj enverguron de ĉ. 32 cm. Ĝi estas helbruna supre, kun pli malhelbruna vango, pli helbruna nukareo, blankeca meza ventro, nigreca krono kaj rozkolorecan karminecan bildon en flugiloj kaj vosto, kies plumoj estas ĉefe nigrecaj. La ino estas iom pli senkolora ol la ino. La rozkoloreca areo de flugiloj nomigas la specion kaj en la komuna nomo kaj en la latina scienca nomo kie sanguinea aludas al la ruĝa nuanco de tiu areo; tamen tiu karaktero estas komuna al la tri specioj de la genro. Tiu specio loĝas en rokaj montodeklivoj, ofte je altaj altaĵoj. Ĝi povas troviĝi en sterilaj areoj kun malmulta vegetaĵaro, kaj foje nestumas en rokfendoj. Ili manĝas semojn, kaj vintre descendas en aroj al agrikulturaj kampoj serĉe de manĝo. La ino demetas kaj kovas 4 aŭ 5 bluajn, helmakulitajn ovojn.